Sermon: Rev. Dr. Khup Lian Pau
A Ni: 29082010
A Hun: 12:30 to 3:00

Sermon: Rev. Dr. Khup Lian Pau
A Ni: 22082010
A Hun: 12:30 to 3:00

NI DANG HUN LAI MO PI DAN
Ih Zogam ah tapidaw ong tun ma hun te in ih pu/pate in ah a na zat uh Mopi dan kikum leng: Nu leh Pa in a tapa uh a zi ding numei hoih, melhoih bek hilo a pianna a gui a ki pan, gamtat luhek dongin a tapa ading in zi hoih deih sak bel uh hi. Hih pen a thu a tampi gen tangin hi la in ong lak hi.
(a) Gamzang lai a phui gua phung pha ah kuitung lo sat ken aw ngaih aw
(b)Tung lam lai ah kawl dam sik tui ah nak nei lo dawn ken aw ngaih aw
A khiatna:
Gamlak a gua sat ding na pai teh a hon lak ah a sang penpen la in la, lampi a vung tui dawn ken la, tuinak pan ong luang bek ne in ci hi.Tangval pa nu leh pa in a tapa un a ngaihnu ngak pen a lungkim uh leh “Zuthol piak”(Engagement) a nungak nu leh pa tungah nei uh hi. A ki thukim uh leh tua ni tua kha in ong pi nung ci’n kam vai khak uh hi. Zuthol piak ciangin Zozu bel khat tawh kipai a, nungak nu ii nu leh pa inn ah va ne khawm uh a, thu va gen uh hi. Tu ciangin zu thol piakna ah zu ki zang nawn lo-in niangtui ki zang ta hi.

TOKYO KA PAI MASAKNA:
Kum 1996 February kha sungin Kingdom of Cambodia pan Japan gam ka pai kha hi. Ih Kawlgam adding in kum 31 sung kumpi na sep ka mankhit the pension ka pai a, Topa Pasian hehpihna in 1995-1996 sungin Cambodia gamah NGO ahi COERR kici ah pheshical Co-ordinator ka va sem kha hi. Cambodia te kampau pen lamdang leh theih hak pha diak ka sa a, hih bang la khat ka phuak kha hi.
(a) ka heina vang la e, melmak lai ah aatong suak dang va lui leng khuangno bang e
(b) Nam cih tui bang a gawm siam vai mang tong dam, sinthu sut nang ma ciang ah suan ngawn ing e.
A khiatna:
Kei pen mel theih om loh na ah gamla pi ka va tung a, a pau uh lamdang lua a, lui lak a vasa ham tawh ki bang hi. Minam kim a kiho sak thei mangpau pen thu gen na ding in suan pen muan pen ka va nei hi.